Historiettas e contos in interlingua/Le Ranetto Promenante

Le Ranetto Promenante

Le filio de Rana, Rinrin Ranetto

Sortiva iste matino multo firme e bellette

con pantalones curte, cravata al moda

Jachetta nuptial e cappello de banda.

Puero, non sorti! -le crita mamma

ma ille face un gesto e orgolioso se va.

Ille trovava in le cammino un Mus vicino

E le diceva : amico! Veni con me,

Nos visitara insimul a Domina Mus

E il habera festa e repasto abundante.

Post pauco illes arrivava, e avantia Mus,

Alonga le collo e frappa le porta,

da duo o tres colpos, on demanda: qui es?

Io, Domina Ratta, basio a vos le pedes, es vos in domo?

- Si senior, si es,

e celebro multo vider a vos hodie;

io esseva in mi mestiero, filando coton,

sed il non importa, vos es benvenite.

Illes salutava se, donava se le mano,

E dice musetto, qui es plus veterano:

Mi amico le verde rabia de calor,

Dona le un bira, per favor.

E durante que le picaro consume le jarra

Le seniora ordinava apportar le gitarra

E a Ranetto demanda le que cante

Versettos allegre, tonata elegante.

Ah! de mille amores lo facerea, seniora,

sed il es impossibile donar le iste placer ora,

perque io ha le gorga plus sicca quam stoppa

e serra me multo iste nove roba.

- Io lo senti infinito, responde Amita Ratta,

disserra se un pauco gilet e cravata,

e io intertanto va a cantar le

un cantionetta multo particular.

Mais essente in iste brillante function

De dansa e bira, gitarra e cantion,

Le Catta e su Cattos transpassa le limine principal,

E torna se isto le judicio final

Domina Catta Vetule trencha per le aure

Al infante musetto, miaulante le saluta : Holla!

E le infante Cattos al vetule Ratta

Un per le gamba e le altere per le cauda

Don Ranetto spectante iste assalto

E aperiente le porta con manos e naso,

Partiva dante a totes noctes multo felice

E sequeva saltante tanto alte e celere,

Que perdeva le cappello, lacerava le camisa,

Se percolava in le bucca de un anate glutton

e iste se lo mangiava de un sol colpo

E assi conclude, un, duo, e tres

Mus, Domina Ratta, e le Rana postea;

Le Cattos mangiava e le Anate dinava,

e mamma Ranetta solette restava!

Rafael Pombo