Historiettas e contos in interlingua/Ancian Legenda Oriental

De Wikibooks

[modificar] Ancian Legenda Oriental

Traducite in interlingua per Jay Bowks.

Un vice un rege oriental desirava saper le historia del homine. Un sage portava ad ille cinque cento tomos, ma proque le rege esseva occupate per affaires de stato, ille commandava le vader e condensar los. Dece-duo annos plus tarde le sage veniva retro e su historia esseva ora in solmente cinquanta tomos, ma le rege, essente ora troppo vetule pro leger tante libros pesante, pregava le vader e render los ancora plus breve.

Ancora dece-duo annos passava, e le sage, vetule e gris, portava le un tomo singular, in le qual esseva concentrate le sapientia que le rege habeva cercate. Ma le rege esseva in su lecto de morte e habeva nulle tempore pro leger mesmo isto. Finalmente le sage donava le tote le historia del homine in un singular linea: "Ille nasceva, suffreva, e moriva."