Historiettas e contos in interlingua/Duo Lupos

De Wikibooks

[modificar] Duo Lupos

Traducite in interlingua per Jay Bowks.

Un vespere un vetere Cherokee narrava le historia de un battalia interne a su granfilio. Ille diceva: "Mi granfilio, le battalia es inter 'duo lupos' que vive inter nos omnes, un de illos es le iniquitate. Illo es le ira, le invidia, le jelosia, le mentitas, le orgolio, le arrogantia, le impietate, le perversitate, le inferioritate o le superioritate e le 'ego'. Le altere lupo es le bonitate. Illo es le gaudio, le pace, le amor, le sperantia, le serenitate, le humilitate, le patientia, le benevolentia, le empathia, le generositate, le veritate, le serenitate, le compassion e le fide."

Le granfilio reflectava durante un momento, tunc ille demandava de su granpatre: "E le qual lupo gania le battalia?"

Le vetere Cherokee simplemente respondeva: "Illo que tu nutri."