Boot-plurime[modificar]

Sempre installa primo Windows[modificar]

Windows non revela altere systemas operative jam presente e non monstra un menu de boot. Quando tu lo installa, illo supplanta tu sequentia de boot e tu computator facera postea le boot directemente in Windows.

Linux Mint (e le major parte del distributiones de Linux) discoperi le altere systemas operative jam presente sur le dispositivo e produce un menu per le qual tu pote seliger per qual systema facer le boot.

Pro iste ration, si tu desira un dual-boot o boot-plurime con Windows, illo es plus facile e recommendate que tu installa primo Windows, ante que tu installa Linux Mint.

Defini le sequentia de boot[modificar]

Si Windows supplanta tu sequentia de boot:

Lancea Linux Mint in modo extemporanee (per tu clave USB o DVD).
Aperi un terminal.
Pro listar tu partitiones, scribe le sequente commando:lsblk -f e preme Enter

Trova le partition ubi es installate Linux Mint. Sur le major parte de systemas isto serea le sol partition ext4.

In le instantanee de schermo precedente:

sdb es le clave USB (recognoscibile per su typo iso9660 que corresponde a un imagine ISO).
sda es le disco dur.
sda4 es le partition sur le disco dur sda, ubi Linux Mint es installate.

Pro listar le dimensiones de tu partitiones, insere lsblk:

Pro listar le etiquettas de tu partitiones, insere blkid:

Monta le partition de Linux Mint e reinstalla le menu GRUB per le sequente commandos:

* sudo mount /dev/sda4 /mnt

* sudo grub-install --root-directory=/mnt /dev/sda

Note:

In le commandos antecedente, supplanta /dev/sda4 e /dev/sda con le nomines applicabile a tu partition de Linux Mint e a tu disco dur.