Guida de Usator de Linux Mint/Compression de files con File Roller

Pro uso quotidian, le compression de files ha devenite un usage multo diffuse. Un o plus files es comprimite in un sol file que occupa minus spatio, de tal maniera que su transporto inter computatores es multo plus facile.

Multe usatores usa le formato Zip e isto es totalmente compatibile con Linux.

Si tu usa Linux Mint, e tu face duple clic sur un file comprimite in iste formato, illo se aperira con le programma File Roller. Alora, tu debe seliger totes le files e cliccar "Extract". Postea, indica le ubication pro salveguardar le files e tu habera le files decomprimite. Si tu ha Mate in le scriptorio de tu Linux Mint, forsan illo usa Engrampa, un manager de files pro le MATE que functiona quasi equalmente que File Roller.

Pro crear un file comprimite o un dossier, tu debe facer clic dextra sur ille, cliccar "Compress..." e seliger le typo de file que tu vole crear.

Linux Mint pote crear multe files in differente formatos: tar, tar.bz2, zip, rar, tar.gz, ar, arj, etc. Pro exemplo, in le formato zip, si tu clicca "Altere optiones", tu ha le option de adder un contrasigno pro dar plus securitate al file create.

Un typo de file multo popular es le formato Rar. In le principio, illo non es installate in File Roller con Linux Mint. Si tu vole usar files Rar, tu debera installar le programma RAR, que tu etiam ha a tu disposition in le Gestor de Software de Linux Mint.