Guida de Usator de Linux Mint/Elige le juste edition

Elige le juste edition

Tu pote discargar Linux Mint ex le web https://linuxmint.com/download.php

Lege in basso pro seliger qual edition e architectura es juste pro te.

Cinnamon, MATE o Xfce?

Linux Mint veni in 3 differente sapores, cata monstrante un distincte ambiente de scriptorio.

Cinnamon. Le scriptorio le plus moderne, innovative e functional.
MATE. Le plus traditional e rapide scriptorio.
Xfce. Le plus legier.

Le version le plus popular de Linux Mint es le edition de Cinnamon. Cinnamon es primarimente disveloppate pro e per Linux Mint. Illo es efficiente, belle, e ric de nove functionalitate.

Linux Mint etiam participa in le evolution de MATE, un scripltorio classic que es le continuation de GNOME 2, le scriptorio predefinite de Linux Mint inter 2006 e 2011. Ben que illo manca alicun functiones e su evolution es plus lente que Cinnamon, MATE usa minus ressources e pote executar se plus rapidemente in computatores plus vetule.

Xfce es un ambiente de scriptorio leger. Illo non supporta tante functionalitates como Cinnamon o MATE, ma il es extrememente stabile e multo leve sur le uso de ressources.

Naturalmente, tote le tres scriptorios es grande e Linux Mint es extrememente fer de cata edition. Ben que il ha plus de functionalitate e melior supporto in alcun editiones quam alteros, e uno face fluer plus veloce e usa minus ressources quam alteres, illos es totos grande alternatives e per le election del juste edition es largemente un question de gusto.

Ultra que pro su functionalitates e performance, Cinnamon, MATE e Xfce alsi representa tres distincte ambientes de scriptorio, con differente menus, differente pannellos e utensiles de configuration. Illo juste un pro te es le uno ubi tu te senti a casa.

Si tu non es secur de qual scriptorio eliger initia per le edition Cinnamon. Prova los tote, eventualmente, quando tu ha le tempore. Tote le tres de illos ha lor proprie audientia in le collectivitate de Linux Mint e illos es tote multo popular.

32-bits o 64-bits?

Ab version 20 et sequentes, solmente le version de 64-bites es disponibile.

Le imagines ISO de 32-bites in le versiones anterior es fornite pro compatibilitate con computatores vetule. Processatores de 32-bites es extrememente rar hodie e le majoritate de computatores pote executar in 64-bites. Si tu computator esseva fabricate post 2007, probabilemente illo ha un processator de 64-bites.

Consilio: Tu pote essayar a initiar Linux Mint de 64-bites sur le computator. Si illo non es compatibile, nihil mal succedera. Tu solmente recipera un message de error."