Guida de Usator de Linux Mint/INSTALLATION DEL SOFTWARE

Administration de pacchettos con Linux Mint

Si vos usa le systema Microsoft Windows, vos probabilemente non es familiar con le concepto de "pacchettos" (o packages, in anglese). In facto, le Administration de Pacchettos es probabilemente le function le plus importante que manca a Microsoft Windows e le ration pro su vulnerabilitate tanto grande.

Si vos installa Windows in le computator, vos notara que illo non ha multe applicationes integrate. Vos non potera leger alcunos del archivos, non potera navigar alcunas paginas web e non potera executar alcunas activitates basic. In plus, il ha le possibilitate que alcunos del dispositivos de hardware non sia detectate. Ma post investir alcun tempore in installar le controlatores appropriate, vos probabilemente trovara alcunas paginas web que ha software de tertios disponibile... vos necessitara alcun utensile pro decomprimer, un conjuncto de applicationes de officio, un antivirus, etc... Le problema con isto es simple: Vos executa un version specific de Windows que ha essite provate per Microsoft. Quando vos adde applicationes de altere editor... es vos secur que iste editor ha provate iste application in tu version specific de Windows? Le interactiones inter iste application e alteres que vos ha installate previemente ha essite provate? E finalmente... Pote vos creder in iste editor? Vos probabilemente pote creder in Mozilla, OpenOffice, IBM e altere editores famose, ma que occurre con le shareware incognite o con le fabricantes de antivirus?

Un altere problema con le maniera in que le applicationes es installate in Windows es que Windows non los controla. Le applicationes decide per se como esser actualisate o si illos ha toto le necessari. Vos non ha un maniera de mantener omnes le applicationes actualisate.

Anque il ha un problema con le maniera in que le applicationes es installate in Windows, le multe installationes es static. Multe applicationes arriva como files .exe immense o files que non solmente contine le programma que vos vole, sed anque contine le bibliothecas necessari pro illo. Naturalmente, le majoritate de programmas que vos installa ha applicationes que usa le mesme bibliothecas... e naturalmente, quando vos actualisa un de iste programmas, illo non actualisa le resto.

Le administration de applicationes es radicalmente melior in Linux e in tote le systemas operative moderne. Le pacchettos defini partes de programmas que pote depender de tote le altere o solmente de alcuno. Le distributiones de Linux generalmente mantene tote le software que vos necessita, e garantir que iste software ha essite provate e impacchettate pro lor lancear e distribuer.

Prendente un exemplo, quando vos installa Opera, Real Player o Google Earth in Linux Mint, iste applicationes non proveni de Opera, Real o Google. Evidentemente, le applicationes original proveni de iste editores, ma solmente post esser appropriate impacchettate e provate illos es disponibile pro vos. In altere parolas, vos nunquam deberea haber besonio de ir a un cercator de internet pro cercar programmas, toto que vos necessita ja es hic appropriate pro vos e pro vostre systema. E toto que vos debe facer es installar le pacchettos appropriate.

Linux Mint se actualisara automaticamente per medio de un utensile nominate mintUpdate, que non solmente actualisara le systema operative, sed anque actualisara omne le software installate in vostre machina.

Si recentemente vos discoperiva isto e sta a cercar comprender como vos ha potite perder tote iste tempore sub Windows sin un administration de pacchettos, le responsa es: "Nos non lo sape. Nos surprende que Windows veni sin le administration de pacchettos, considerante que illo es usate in Linux desde le initio del annos 90".

De tote manieras, jam es satis de sarcasmo! Nos vade vider como installar applicationes desde Linux Mint, como pote nos eliminar los e como pote nos mantener toto actualisate.

Gestor de Software

Iste es le option graphic le plus simple. Vos lo trovara in le Menu - Administration - Gestor de Software. In le fenestra principal, vos trovara un serie de icones que vos permittera seliger per themas: internet, jocos, officio, graphicas, etc. Si vos clicca un icone, vos videva tote le software disponibile relationate.

Si vos preme le option "Visualisa", vos videva duo optiones: un nomine "Pacchettos installate" pro vider le software installate e un altere nomine "Pacchettos disponibile" pro vider le software disponibile.

Un vice que vos ha seligite un programma specific, simplemente vos necessitara premer le icone "Installar" e automaticamente illo se installara sin ulterior intervention de vostre parte.

Synaptic

Il es un gestor de pacchettos de Linux multo utile pro installar software.

Synaptic es un instrumento graphico multo facile pro le comenciantes. Illo es disponibile in el Menu - Administration - Administrator de pacchettos Synaptic. . Si vos preme le menu Configurationes - Repositorios (repositories), in tabula "Altere Repositorios", vos pote adder altere repositorio.

Altere characteristicas del Synaptic.

In le partite sinistre inferior, tu ha plure buttones que modifica le contento del latere sinistre.

- Sectiones: monstra differente sectiones que cataloga le programmas disponibile.

- Stato: cataloga le pacchettos secundo lor installation, non-installation, nove, etc.

- Resultatos de Cerca: monstra le resultato de recercas precedente.

- Personalisate: differente manieras de catalogar le pacchettos de maniera personalisate. Si tu vole cercar un pacchetto specific, tu pote usar le button "Cercar rapide" in le barra de utensiles.

Si tu vole installar un pacchetto, tu debera cliccar con le button dextra sur le quadro que se trova al latere sinistre del nomine del pacchetto. Postea, marcar le option "Marca pro installation". Un vice que tu ha marcate omne le pacchettos que tu desira, tu debe premer "Applicar" (Apply) in le barra de utensiles.

Reinstallar un programma.

Forsan un programma cessa de functionar correctemente o mesme non se initia. In iste caso, reinstallar le programma pote esser utile. Synaptic nos offere le possibilitate de realisar iste labor de maniera simple. In Synaptic, cercate le pacchetto del programma, facite clic sur le quadrato a sinistra del nomine del pacchetto con le button dextre del mus. In le menu emergente, facite clic sur le option "Marca pro reinstallar" e "Applica". Postea, le programma se reinstallara automaticamente. Nota que es necessari haber un connexion a internet.

Alternativas al Synaptic: apt i aptitude.

La installation, disinstallation e actualisation de pacchettos anque pote esser gestionate ex le terminal con apt-get.

Apt-get es un del essentiales utensiles in le distributiones Gnu/Linux derivate de Debian, tal como Ubuntu e Linux Mint inter alteres.

Conjunctemente con aptitude e alteres, illos es utensiles de gestion de pacchettos .deb, que nos permitte installar software in Linux Mint con un extraordinari securitate e stabilitate.

APT

Alcun exemplos de commandos 'apt-get':

1. Actualisation del base de datos de pacchettos:

$ sudo apt update

2. Actualisation del systema:

$ sudo apt upgrade

3. Installar un pacchetto

$ sudo apt install nomine_del_pacchetto

4. Reinstallar un pacchetto:

$ sudo apt install --reinstall nomine_del_pacchetto

5. Elimination de un application:

$ sudo apt remove nomine_del_pacchetto

6. Elimination de un pacchetto e su archivos de configuration:

sudo apt remove --purge nomine_del_pacchetto

7. Eliminar un pacchetto e tote su dependentias:

$ sudo apt autoremove nomine_del_pacchetto

8. Cercar un pacchetto:

$ sudo apt-cache search nomine_del_pacchetto

9. Pro solver dependentias pendente de arrangiar:

$ sudo apt -f install

10. Eliminar archivos .deb que jam ha essite installate:

$ sudo apt autoclean

Pro plus information concernente iste commandos, consulta le paginas del manual:

$ man apt

$ man apt-cache

Aptitude

Pro altera parte, vos ha le utensile "aptitude" que serve le mesme function que "apt-get" sed con duo functiones additional:

Si vos lo executa sin parametro, illo monstra un interfacie de texto con menus.

Quando vos installa un application que ha dependentias, illo le marca como automatic de tal maniera que si vos vole eliminar lo, illo anque eliminara le dependentias automatic que jam non essera plus necessari.

Iste excellente functionalitate adjuta nos a mantener le systema net e liber de pacchettos non utile.

Usage:

Installar un pacchetto:

$ sudo aptitude install pacchetto

Disinstallar pacchetto:

$ sudo aptitude remove pacchetto

Disinstallar pacchettos (incluse le archivos de configuration):

$ sudo aptitude remove --purge pacchetos

Actualisar le lista de pacchettos:

$ sudo aptitude update

Actualisar le systema:

$ sudo aptitude upgrade

Lista de optiones de commandos:

$ sudo aptitude help

Pro plus information:

$ man aptitude