Guida de Usator de Linux Mint/Qui pote usar Linux Mint

Qui pote usar iste guida?

Qualcunque persona que vole comenciar in le systema operative GNU/Linux, facile e rapidemente. Isto es pensate pro le usator le plus nove, proque usa applicationes graphic e intuitive. Con adjuta de iste guida, le lector pote gauder de totes le beneficios del software libere con le stabilitate e potentia de GNU/Linux de un maniera simple e libere de viruses.

Si vos cerca qualcosa melior que lo que ja cognosce pro Windows e Mac, probabilemente vos ha arrivate al loco incorrecte. Nos hic non parla de utensiles melior o pejor, ma de utensiles libere, alcunos melior, alcunos in disveloppamento e alcunos ancora multo distante del equivalentes con licentias de uso restringite (software privative).

Le software libere non es un exhibitor de productos ma un planca de textos. Pro acceder a un exhibitor, on ha besonio de moneta pro comprar; in cambio, pro acceder a un planca, on ha besonio solmente del cerebro e le curiositate necessari. Hic vos oblidara cosas como "craquear" programmas, que finalmente es un maniera de renunciar a vostre libertate, contribuer a que le utensiles non libere sia le plus diffuse e, de iste maniera, indirectemente, contribuer al monopolio del software privative que, ben que non vos perseque pro facer copias illegal, obliga le institutiones public, le companias, le institutos, le universitates, etc., a comprar le licentias.

Le information de iste guida se distribue sin nulle garantia. Ben que omne lo que nos ha scribeva hic nos ha probate personalmente, nos non pote responder pro le possibile perdita de datos o damno causate per le uso del software que tracta iste guida. Sempre es recommendabile facer copias de securitate del datos importante que vos ha in le computator ante facer ulle cosa de lo que ha essite scribite hic.