Historiettas e contos in interlingua/Ancian Legenda Oriental

De Wikibooks
Saltar al navigation Saltar al recerca

Ancian Legenda Oriental[modificar]

Traducite in interlingua per Jay Bowks.

Un vice un rege oriental desirava cognoscer le historia del homine. Un sagio portava ad ille cinque cento tomos, ma proque le rege esseva occupate per affaires de stato, ille commandava le vader e condensar los. Dece-duo annos plus tarde le sage veniva retro e su historia esseva ora in solmente cinquanta tomos, ma le rege, essente ora troppo vetule pro leger tante libros pesante, le precava a vader e render los ancora plus breve.

Ancora dece-duo annos passava, e le sagio, vetule e gris, le portava un singule tomo, in le qual esseva concentrate le sapientia que le rege habeva cercate. Ma le rege esseva in su lecto de morte e habeva nulle tempore pro leger mesmo isto. Finalmente le sagio le dava tote le historia del homine in un singule linea: "Ille nasceva, suffreva, e moriva."