Historiettas e contos in interlingua/Le Mustela, Aphrodite e le Mus

Le Mustela, Aphrodite e le Mus

Un mustela se inamorava de un belle e juvene homine e implorava a Aphrodite de metamorphosar la in un femina. Le Dea habeva pietate de su passion e faceva de illa un belle e incantator puera. Assi le juvene homine esseva seducite a prime vista e la prendeva como sposa. Quando illes reposava sur le lecto nuptial, Aphrodite, curiose de saper si le mustela, cambiante de corpore, habeva etiam prendite altere manieras o costumes, lassava un mus in le medio del camera: oblidante su condition, le sposa saltava de su lecto e persequeva le mus pro devorar lo. Tunc le Dea, irate, la restabliva in su ancian natura. Assi le homines: illes qui ha un mal natura pote cambiar de maniera, sed lor natura resta immutabile.

Esopo, Fabulas