Historiettas e contos in interlingua/Le Tortuca e le Aquila
Le Tortuca e le Aquila
[modificar]Un tortuca interprende un concurso con un aquila pro arrivar a un certe loco. Illo propone un destination e dice, "Qui arriva a iste loco durante le tertie die essera le victor."
Le aquila, contemnente le lentor del tortuca, comencia a volar in avante, a facer altere cosas, e finalmente reposante omne le nocte sin volar via de bon hora.
Ma le tortuca nunquam cessa durante le viage e cammina directemente al destination final. E assi, con su persistentia, illo esseva le prime qui arrivava ibi e vinceva le aquila.
Moral del historia: Le constantia es plus efficace pro le celeritate que le velocitate inconstante.